Eusko Jaurlaritzako Liburutegi Zerbitzuak eta Galtzagorri Haur eta Gazte Literatura Elkarteak elkarlanean sortutako egitasmoa da BOOKTUBERBOOM. 14-18 urteko bitarteko gazteen artean irakurzaletasuna sustatzeko helburuz sortu da eta EAEko Liburutegi Sarearen bidez jarri da martxan.
Gaztetxoen artean irakurtzeko zaletasuna sustatzeko, mundu mailan sekulako arrakasta izan duen BOOKTUBE fenomenoa baliatzeko asmoz sortutako egitasmoa da BOOKTUBERBOOM. Horren helburua euskal BOOKTUBER PLATAFORMA sortzea izan zen hasiera batean eta EUSKAL BOOKTUBER KOMUNITATEAren lehen hazia landatzen hastea. Urteek aurrera egin ahala, gainontzeko sareetan ere literaturak bere lekua izan zezan, BOOKSTAGRAM eta BOOKTOK kategoriak gehitu ditugu egitasmora. Funtsean, sare sozialetako euskarazko liburuen influencer komunitatea eratzeko helburuarekin.
Euskarazko booktuber, bookstagramer eta booktoker komunitate bat sortzeko akuilu gisa EAEko VIII. BOOKTUBER LEHIAKETA egingo da 2024an, aurreko urteetako edizioen arrakastari jarraipena emanez. Indar berri eta asmo ederrekin dator BOOKTUBERBOOM_+, ez galdu “gustuko dut” emateko aukera!
Booktuberboom_+ 